|
Entrevista a Jesús Cartelle:
Xefe de servicio da Unidade de Asistencia ó
Drogodependente
Xefe de Servicio.
J. Cartelle Fernández. |
Jesús Cartelle leva 17 anos da súa vida entregado á axuda a persoas que
sufriron a cara máis amarga da droga. Comezou a súa andaina en Ferrol, para
continuar xa preto do Barbanza, en Noia. Dende o 1993, é dicir, dende que
funciona a Unidade de Atención ó Drogodependente, traballa como xefe de
servicio en dita área.
(p: Pregunta / r: Resposta)
(p) Logo dun decenio, ben podes realizar unha valoración e sopesar os maiores
logros e as maiores dificultades.
(r) O maior logro é contar cun equipo moi cohesionado, que crea un ambiente de
traballo excelente. Aquí fomos capaces de coidar detalles que ó final significan
moito coma o feito de non obrigar a esperar ó paciente, ou se-lo máis atento
posible e amable.
(p) Como xefe de servicio, ¿cómpeteche a ti exclusivamente a responsabilidade
da toma de decisións?
(r) Temos sistemas de consenso e a consulta realízase a todos pero a última
decisión é miña. Aínda que para iso está a figura da dirección, compartida por
min coa sub-directora, coa que se discuten certos aspectos.
(p) ¿E qué obxectivos vos marcades agora?
(r) Nestes últimos anos a meta era acadar o certificado de calidade que vimos
de obter. E iso significa que a xente está satisfeita e contenta. A partir de
aquí, o noso novo paso a conseguir será, aínda que sone algo pretencioso, asinar
un convenio con dúas universidades españolas de cara a propósitos docentes
(orientados tanto a alumnos como a profesores)
(p) Coa túa experiencia, ¿qué dirías que é o máis importante á hora de tratar
con drogodependentes?
(r) Sempre digo que somos como artesáns, que isto debería chamarse artesanía,
porque o verdadeiramente fundamental é o trato, con tacto e sensibilidade, que
se lle dispensa á outra persoa. E o trato debe ser igual ó que se lle dá a
calquera outra persoa que sufra unha enfermidade. Comprensión e apoio.
Subir
 |
