| |
Gala do Deporte
Cartel deseñado para a Gala do Deporte 2003. |
Este evento celebrouse por vez primeira en Marzo de 2003, no pavillón
de A Fieiteira. Esta iniciativa partiu do Patronato de Deportes do Concello, coa
finalidade de premia-los deportistas e clubes máis destacados de cada exercicio.
Máis de 2000 persoas ateigaron o pavillón para vivir unha gala conducida por
Segundo "Chiqui" Durán e que contou con varios números de variedades entre as
entregas dos premios. Os galardóns foron concedidos ó Club Natación Riveira,
como mellor clube; e ós deportistas Patricia González, do Natural Sport Videlgi,
de taekwondo, e José Antonio Vidal, atleta nun centro de alto rendemento
e ex-membro do Clube de Atletismo Riveira. O
sistema de elección dos premiados comezou coa nominación entre os propios
clubes; logo entre os membros do Patronato elexíronse a 5 xuíces, que xunto co
público congregado na gala, escolleu os vencedores.
Outros premios outorgados foron:
- Á empresa máis colaboradora: Frinsa.
- Á promoción deportiva: José Francisco Bello Seráns, futbolista do Racing de
Ferrol.
- Ós técnicos máis destacados: Pepe Cores, do Atlético Riveira; Juan Carlos
Brión, do Club Natación Riveira; Juan Luís Martínez Queiruga, do Natural Sport
Videlgi.
Subir
 |
