|
Escolas Deportivas
Este servicio municipal está xa, despois de anos de andadura, plenamente
consolidado. Centos de rapaces inícianse e desenvólvense en distintas
modalidades deportivas. En Setembro acelérase a planificación destas
actividades, para as que hai un determinado prazo de inscrición que remata a
mediados de Outubro e un número limitado de prazas. A actividade prolóngase ata
principios do mes de Xuño, coincidindo co fin do curso académico.
Para informarse con máis detalle sobre a inscrición ou outros temas, non hai
máis que acudir ás Oficinas do Patronato Municipal
de deportes, no edificio do Auditorio Municipal, abertas ás mañás ata as 2 da
tarde. Os prezos para as Escolas Deportivas rondan os 42 € para os mozos e os 84
€ para os adultos, incluído o dereito ó transporte público para asistir ás
clases.
Nas Escolas Deportivas os rapaces adestrarán unhas 3 horas semanais en
horarios de tarde/noite, axeitados ás necesidades que lles impoñan os horarios
de actividades tanto escolares como extraescolares. Os locais para as clases
serán ben no pavillón polideportivo de A Fieiteira, ben no polideportivo de
Santa Uxía, ou ben, para a práctica de tenis e/ou patinaxe, o polideportivo de
Sirves (tamén para a práctica de atletismo se disporá das instalacións ó aire
libre do Complexo de A Fieiteira). Ofértanse os seguintes deportes:
- Ximnasia Rítmica. De 6 a 15 anos.
- Baloncesto. De 10 a 15 anos.
- Artes Marciais. De 6 a 15 anos.
- Actividades ximnásticas e acrobáticas. De 6 a 15 anos.
- Fútbol. de 10 a 15 anos.
- Tenis. De 6 a 15 anos.
- Patinaxe. De 6 a 15 anos
- Atletismo. De 6 a 15 anos.
Escola Multideportiva. De 6 a 9 anos. Ensínanse os fundamentos básicos de
Baloncesto, Fútbol e Balonmán.
Unha novidade relativamente recente é a inclusión de Escolas Deportivas
orientadas a adultos. Estes teñen a posibilidade de practicar tenis ou ximnasia
de mantemento (simple ou combinada coa natación).
Ademais destas Escolas Deportivas xa consagradas, novas actividades dan
cabida ás crecentes e entusiastas xeracións máis novas, ansiosas por derrocha-la
súa enerxía nos máis variados deportes. Para iso se organiza unha boa presa de actividades máis.
Subir
 |
