| |
Personaxes
Autores Consultados
Carlos García Bayón: nado en 1914 en Caldas de Reis e falecido en 2003 en
Porto do Son, o cronista oficial de Riveira e fillo adoptivo da cidade
desempeñou a súa carreira de mestre en Santa Uxía desde o fin da Guerra Civil.
Na década dos 50 comezou a colaborar en mutitude de publicacións, entre elas
ABC, La Vanguardia, La Voz de Galicia ou El Correo Gallego. Na súa obra atopamos
gran cantidade de títulos dedicados ó Barbanza ou especificamente a Riveira, e
ós temas e figuras destes lares. Tamén é de salienta-la súa laboura
investigadora no eido da historia dos concellos barbanzáns. Algúns dos
recoñecementos acadados pola súa traxectoria, ademais dos antes mencionados, son
o premio Julio Camba de xornalismo ou a Medalla Castelao outorgada en 1999 pola
Xunta de Galicia en homenaxe ó seu traballo xornalístico.
Xosé María Fernández Pazos: este riveirense nado en 1956, licenciado en
Xeografía e Historia, exerce como mestre e xornalista, o cal compaxina coa súa
actividade como fotógrafo e escritor. Colaborou en La Voz de Galicia e El Correo
Gallego, entre outros medios de prensa. A súa actividade cultural remóntase ata
os inicios dos 80, cando xa dirixía unha revista cultural comarcal, editada en
Riveira co título de O Imo. A súa obra máis sobranceira quizais sexa o libro
Sálvora: memoria dun naufraxio. A traxedia do Santa Isabel. De impecable factura
e profusamente ilustrado, este volume, que data de 1998, repasa a historia de
Riveira e de Sálvora, e ofrece unha exhaustiva crónica do desgraciado suceso
acaecido en 1921, e que á postre valeulle á vila o título real de "Muy noble,
humanitaria y generosa ciudad", en recoñecemento das tarefas de rescate ás que
voluntariamente se prestaron os riveirenses.
Daniel Bravo Cores: nado en
Carreira no 1955, este catedrático de Historia no Ensino
Medio ten publicado ducias de artigos sobre o pasado da nosa cidade, moitos
deles incidindo na importancia da presencia de empresarios cataláns para o
desenvolvemento socio-económico do concello. Á marxe dun ensaio titulado Las
Relaciones Comerciales entre Pontevedra y Andalucía a mediados del s. XVI, as
súas dúas obras máis relevantes son Riveira, alcaldes para un siglo (1860-1975),
que recolle unha serie de artigos sobre os rexedores máis destacados que pasaron
pola Casa Consistorial, e Historia de Riveira 1200-1975, una singladura de 800
años, quizais o traballo máis completo sobre a historia do concello realizado
ata o momento.
Fernando Sarasquete: xornalista con colaboracións en diversos medios
escritos, un dos seus traballos máis recentes é a Guía do Barbanza.
Xoán Pastor Rodríguez Santamaría: nado na parroquia sonense de Xuño en 1973,
recopilou en diversos traballos as figuras literarias barbanzanas; un destas
características é Diccionario de Escritores Ribeirenses, editado en 2001 pola
Deputación Provincial de A Coruña.
Subir
 |
