|
Festas en Corrubedo
En 3 días consecutivos hónrase a Virxe do
Perpetuo Socorro, a Virxe do Cabo e a Virxe do Carme. Estes 3 días conforman as
Festas do Verán en Corrubedo, sempre a comezos de Agosto, aínda que a rebufo das
de Santa Uxía. As xornadas festivas comezan con alborada e pasarrúas a cargo
dunha banda de música e de gaitas; ó longo das mañás celébrase misa e misa
solemne cun coro; tra-la comida, varias actividades deportivas animan as tardes
e ás noites chega a verbena cunha ou dúas orquestras. O último día, o grande,
tra-la misa de mediodía parte a procesión marítima, que inclúe unha ofrenda mar
adentro polos falecidos no mar. Á tarde, outro acto conmemora os mariñeiros
finados e á noite os fogos de artificio clausuran de xeito espectacular esta
festividade.
Festa do Turista. 15 de Agosto. Día de Santa
María da Asunción, Patrona de Corrubedo. Cada ano adícase a un colectivo ou un
tema en particular: en 2003 tivo lugar o Día do Neno, co tren chu-chu,
inchables, festa da espuma, sardiñada, etc.
Festa do "Cando lle cadra". 18 de Agosto. Ás 12
da mañá celébrase a misa na honra de San Roque, á que lle segue a sesión vermú
con música de banda; no serán chega a hora dos famosos espichos de porco ou de
atún, que se acompañan de pan e viño ou cervexa. Á noite, a animación continúa
coa música dunha banda e unha queimada de balde.
Festa do Facho. 30 de Agosto.
Romaxes de San Roque e Santa Tecla.
Volver ó
menú de festas
|
Subir
 |
