| |
Festas Castiñeiras
 |
| Nenos xogando na "Festa da
espuma". |
As Festas do Verán chegan a Castiñeiras a
penúltima semana de agosto. Os tres días dedícanse a un patrón particular: o
venres ó Corazón de Xesús, o sábado a San Cristóbal e o domingo á Virxe do
Carme. A xornada do venres está copada por xogos populares e para nenos, o acto
da coroación das raíñas e das damas e o discurso do pregón inaugural, que o
pronuncia unha persoa coñecida e destacada na parroquia. Os rapaces gozan dos
inchables e da festa da escuma, do karaoke, do touro mecánico e do
futbolín humano, todo instalado nas pistas polideportivas de Os Areeiros. O
sábado ten lugar a sardiñada, e a misa, ás oito e media do serán, antecede á
procesión de vehículos na honra de San Cristóbal. O domingo, día grande, o acto
sobranceiro é a procesión marítimo-terrestre, que leva a Santa por mar ata a
altura de A Ameixida, onde se realiza a ofrenda floral ós falecidos e se apunta
a proa de novo ó peirao de Castiñeiras. As orquestras non faltan á súa cita de
cada noite na verbena, no paseo marítimo novo.
Volver ó
menú de festas
|
Subir
 |
