Un paseo por outros conxuntos de mámoas no concello de Riveira.

Ademais do dolmen de Axeitos, que sen dúbida é o máis emblemático dentro do mundo funerario do Neolítico, aparecen repartidos por todo o Concello máis de 25 estructuras funerarias en diferente estado de conservación:

A mámoa da Mámoa.

Trátase dun túmulo funerario que lle dá nome a este lugar da parroquia de Carreira. Ten 16 metros de diámetro e 1,5 metros de altura, e é moi probable que albergue no seu interior un pequeno dolmen xa que o seu estado de conservación é bo.

Localízase á esquerda da estrada que de Riveira leva a Carreira a 60 metros ao norte do complexo deportivo da Fieiteira. Na actualidade atópase cheo de vexetación, o que impide a súa correcta visualización.